"Галатасарой" ҳужумчиси Мауро Икарди фаолиятини Аргентина лигасида давом эттириши мумкин.

Икарди "Галатасарой" билан шартномани узайтириш бўйича музокаралар олиб борди: иккала томон ҳам ҳамкорликни давом эттиришдан манфаатдор эди. Бироқ футболчининг рафиқаси Ванда Наранинг касаллиги билан боғлиқ хабарлар Икардини ватанига қайтишга мажбур қилди.

TyC Sport нашри хабарига кўра, Икарди "Галатасарой"дан Аргентина чемпионати клубларидан бирига ижарага беришни сўрамоқчи. Ванда Нара ўзини уйда ҳис қилиши учун олти ойга ватанига қайтиш ниятида. Икардини "Ньюэллс Олд Бойз" ижарага олиши мумкин бўлган клублардан бири саналади.

Эслатиб ўтамиз, куни кеча Вандага даҳшатли ташхис - лейкемия ташхиси қўйилган эди.