"Аталанта" "Манчестер Юнайтед" ҳужумчи Расмус Хёйлунн учун таклиф қилмоқчи бўлган суммага рози бўлмади.

Sky Sports News нашри хабарига кўра, 20 ёшли футболчининг шахсий шартлари бўйича ҳеч қандай муаммо йўқ, аммо "Аталанта" уни 70 миллион евро ва қўшимча маош сифатида 10 миллион еврога баҳоламоқда, бу "Манчестер Юнайтед" учун жуда кўп.

Қайд этилишича, инглиз клуби молиявий қийинчиликлар туфайли ҳужумчи учун 40 миллион евродан 60 миллионгача таклиф қилишга тайёр. "Аталанта" муросага келишни истамайди.

Манба хабарига кўра, "Манчестер Юнайтед" "Айнтрахт" ҳужумчиси Рандал Коло Муани бўйича музокаралар олиб бормоқда.

Хёйлунн “Аталанта” сафида 2022 йилнинг августидан буён ўйнаб келмоқда. 2022/23 йилги мавсумда ҳужумчи барча мусобақаларда 34 та ўйинда майдонга тушиб, 10 та гол урди ва 4 та голли узатмани амалга оширди.