"ПСЖ" Килиан Мбаппени "Ал-Ҳилол"га сотишга тайёр.
Marca нашри хабарига кўра, Саудия клуби тез орада ҳужумчи учун ҳеч ким такрорлай олмайдиган катта таклиф юборади. Парижликлар уни қабул қилишга тайёр, аммо парижликлар 24 ёшли футболчи барибир Европани у қадар эрта тарк этмаслигини билишади.
Мбаппени сотиб олишга Премьер-лига клублари ҳам қизиқиш билдирмоқда. Улар орасида "Манчестер Юнайтед" ва "Тоттенхэм", шунингдек, "Челси" ҳам бор, аммо "кўклар" "ПСЖ"га таклиф билан чиқишдан олдин бир нечта ўйинчини сотиши керак бўлади.
Италияда эса Мбаппе учун "Милан" ягона вариант бўлиши мумкин, аммо "россонерилар" таклиф билан чиқишмади.
Футболчининг ўзи боришни ҳоҳлаётган "Реал Мадрид" томонидан ҳеч нарса қилинмаяпти. Мадридликлар ўзларига вақт ўтаётганидан унумли фойдаланмоқчи ва шунинг учун ҳозирча трансфер бўйича музокараларни бошламоқчи эмас.
