36 ёшли италиялик ҳужумчи Жузеппе Росси фаолиятини якунлаганини маълум қилди.
Жузеппе "Парма", "Манчестер Юнайтед", "Ньюкасл", "Вильярреал", "Фиорентина", "Леванте", "Сельта", "Женоа", "Солт Лейк" ва СПАЛ клубларида ўйнаган.
Transfermarkt портали маълумотларига кўра, ҳужумчи 363 та ўйинда 132 та гол урган ва 41 та голли узатмани амалга оширган, шу жумладан, "Сариқ сув ости кемаси" таркибида 82+25 та.
Шунингдек, у Италия терма жамоаси сафида 30 ўйинда 7 та гол урган.
Ўз фаолияти давомида Росси камида тўрт марта тиззасидан жиддий жароҳат олган, шу сабабли у жами 1000 кунни ўтказиб юборган.
