Аргентиналик собиқ ҳужумчи ва ҳозирда мураббий Эрнан Креспо "Зальцбург" ҳужумчиси Ноа Окафорнинг "Милан"га ўтиши борасида ўз фикрлари билан ўртоқлашди.
“Мен уни яхши биламан, бир неча учрашувларда унга мухлислик қилганман. У ҳужумчи, кўп ҳаракат қилади, қанотларда ҳам, марказда ҳам ўйнай олади. Аммо “Милан” мухлислари катта умид боғламасликлари керак – Ноа классик марказий ҳужумчи эмас, у унчалик сермаҳсул ҳужумчи ҳам эмас.
Окафор ҳеч қачон форвардлар учун дунёдаги энг қийин лига – А Серияда ўйнамаган. Ва буни биринчи марта бошдан кечирган одам айтади. Агар Ноа 10 та гол ура олса, "Милан" учун хурсанд бўламан", - дея Креспо сўзларидан иқтибос келтиради Football Italia.
23 ёшли Окафор "Ред Булл Зальцбург" сафида барча мусобақаларда 30 та ўйинда майдонга тушиб, 10 та гол урди ва 5 та голли узатмани амалга оширди.
