"Ювентус" ҳимоячиси Леонардо Бонуччининг агентлари 36 ёшли футболчи учун янги жамоа излашда давом этмоқда.
Аввалроқ туринликлар марказий ҳимоячини ўз режаларига киритмагани маълум бўлганди, шу сабабли у трансферга қўйилган ва жамоадан алоҳида машғулотларга жўнатилган.
Журналист Николо Скиранинг сўзларига кўра, Бонуччи "Лацио"га тклиф қилинган. Аммо Леонардонинг трансфери клуб президенти Клаудио Лотито учун устувор вазифа эмас.
Бонуччи "Ювентус"да 2010 йилдан бери ўйнаб келаётганди. 2017 йилда ҳимоячи бир мавсумга "Милан"га кўчиб ўтган ва "Ювентус"га қайтиб келганди.
