Франциянинг "ПСЖ" клуби Килиан Мбаппега йўлланган мактуб матнини эълон қилди. Унда июль ойи бошида юборилган ва футболчини клубни текинга тарк этмасликка чақирган.
Футболчининг шартномаси бир йилдан кейин тугайди. "ПСЖ" Мбаппе "Реал" билан келишиб олган деб ҳисобламоқда. Шу сабабдан ҳам парижликлар Килианни Япониядаги йиғинга олиб кетишмади.
"Эсингизда бўлсин, ўтган йилги шартномани узайтириш бўйича музокараларимиз "ПСЖ"даги фаолиятингизни давом эттиришингиз руҳида эди. Бизнинг оиламиз сизнинг фаолиятингиз учун имконсиз нарсани қилди.
Бир йил олдин сиз "Парк де Пренс"да 2025 йилги формада пайдо бўлдингиз - бу бутун жаҳон футбол жамоатчилигига хабар эди.
Ҳозир бизда иккита ечим бор: шартномани 2025 йилгача узайтириш ёки шу ёзда сотилиш. Бошқа ҳаракатлар клубни узоқ муддатли фалажга олиб келади.
Умид қиламизки, келажагингизга киритган мисли кўрилмаган сармоямиз сизни келажак ҳақида ва шу вақт давомида сизни қўллаб-қувватлаган буюк клуб мухлислари ҳақида ўйлашга мажбур қилади", - деб ёзилган "ПСЖ" раҳбарлари томонидан Мбаппега юборилган мактубда.
