Fransiyaning "PSJ" klubi Kilian Mbappega yo‘llangan maktub matnini e’lon qildi. Unda iyul oyi boshida yuborilgan va futbolchini klubni tekinga tark etmaslikka chaqirgan.
Futbolchining shartnomasi bir yildan keyin tugaydi. "PSJ" Mbappe "Real" bilan kelishib olgan deb hisoblamoqda. Shu sababdan ham parijliklar Kilianni Yaponiyadagi yig‘inga olib ketishmadi.
"Esingizda bo‘lsin, o‘tgan yilgi shartnomani uzaytirish bo‘yicha muzokaralarimiz "PSJ"dagi faoliyatingizni davom ettirishingiz ruhida edi. Bizning oilamiz sizning faoliyatingiz uchun imkonsiz narsani qildi.
Bir yil oldin siz "Park de Prens"da 2025 yilgi formada paydo bo‘ldingiz - bu butun jahon futbol jamoatchiligiga xabar edi.
Hozir bizda ikkita yechim bor: shartnomani 2025 yilgacha uzaytirish yoki shu yozda sotilish. Boshqa harakatlar klubni uzoq muddatli falajga olib keladi.
Umid qilamizki, kelajagingizga kiritgan misli ko‘rilmagan sarmoyamiz sizni kelajak haqida va shu vaqt davomida sizni qo‘llab-quvvatlagan buyuk klub muxlislari haqida o‘ylashga majbur qiladi", - deb yozilgan "PSJ" rahbarlari tomonidan Mbappega yuborilgan maktubda.
