"Кальяри" ва "Рома" ўртасидаги ҳужумчи Элдор Шомуродовнинг ижараси бўйича келишув тафсилотлари маълум бўлди.
Инсайдер Жанлука Ди Марционинг сўзларига кўра, сардинияликлар "Жиалоросси"га 1 миллион евро тўлайди. Мавсум охирида "Кальяри" 28 ёшли ўзбекистонлик футболчини 9 миллионга сотиб олиши мумкин.
2022/23 йилги мавсумнинг иккинчи ярмида ҳужумчи "Специя"да ижара асосида ўйнади. Умуман олганда, Шомуродов ўтган мавсумда барча турнирларда 24 та ўйин ўтказиб, 2 та гол ва 2 та голли узатмани амалга оширган.
