"Манчестер Сити" 2023/24 йилги мавсум учун учинчи либосини тақдим этди.
Либоснинг ўзига хос хусусияти чақмоқ кўринишидаги дизайнда. Ижтимоий тармоқларда янги жиҳозлар билан эълон қилинган нашрда клубнинг номи - electriCITY қилиб ҳам кўрсатилган.
Клуб матбуот хизмати таъкидлаганидек, либосда манчестерликларнинг фаол ҳаёти ва динамизми, шунингдек, "Манчестер Сити"нинг қизғин ўйин услуби ва ҳар бир учрашувни ўраб турган ҳаяжонли муҳит акс этган.
Тўплам Токиода мавсумолди сафари давомида тақдим этилди.
2022/23 йилги мавсумда Чемпионлар лигаси, Премьер-лига ва Англия кубогини қўлга киритган "Манчестер Сити"га техник жиҳатдан Puma ҳомийлик қилади.
