"Manchester Siti" 2023/24 yilgi mavsum uchun uchinchi libosini taqdim etdi.
Libosning o‘ziga xos xususiyati chaqmoq ko‘rinishidagi dizaynda. Ijtimoiy tarmoqlarda yangi jihozlar bilan e’lon qilingan nashrda klubning nomi - electriCITY qilib ham ko‘rsatilgan.
Klub matbuot xizmati ta’kidlaganidek, libosda manchesterliklarning faol hayoti va dinamizmi, shuningdek, "Manchester Siti"ning qizg‘in o‘yin uslubi va har bir uchrashuvni o‘rab turgan hayajonli muhit aks etgan.
To‘plam Tokioda mavsumoldi safari davomida taqdim etildi.
2022/23 yilgi mavsumda Chempionlar ligasi, Premyer-liga va Angliya kubogini qo‘lga kiritgan "Manchester Siti"ga texnik jihatdan Puma homiylik qiladi.
