"Аякс"нинг ҳужумкор яримҳимоячиси Муҳаммад Кудусга Англиянинг бир қанча топ клублари қизиқиш билдирмоқда.
Бироз аввалроқ маълум бўлганидек, ганалик футболчи "Челси" билан музокаралар олиб бормоқда, журналист Грем Бейлининг сўзларига кўра, "кўклар" 22 ёшли футболчи учун "Аякс"га расмий таклифлар юбормаган. "Манчестер Юнайтед" ҳам Кудусга қизиқишни сақлаб қолмоқда, Лондоннинг "Арсенал" клуби эса ҳали аниқ қадамлар қўйгани йўқ, аммо вазиятни диққат билан кузатиб бормоқда.
Муҳаммад Кудус ўтган мавсумда "Аякс" таркибида 42 ўйинда майдонга тушиб, 18 гол ва 7 голга ассистентлик қилган.
