"Лацио" ярим ҳимоячиси Луис Альбертонинг келажаги ноаниқлигича қолмоқда. Relevo хабарига кўра, 30 ёшли испаниялик Рим клуби билан шартномани узайтириш учун Саудия Арабистонидан келган фойдали таклифларни рад этган. Бироқ жамоа президенти Клаудио Лотито таклиф шартларини ўзгартиришга қарор қилди, бу эса футболчига унчалик ёқмади.
Қайд этилишича, Альбертога “Ал-Ҳилол”дан янги таклиф бор. Саудия клуби испаниялик футболчига йилига 15 миллион евро "тоза" маош таклиф қилмоқда.
Луис Альберто 2016/2017 йилги мавсумдан бери "Лацио"да ўйнамоқда. Transfermarkt портали мутахассислари футболчини 18 миллион еврога баҳоламоқда.
