"ПСЖ" ярим ҳимоячиси Марко Верратти "Ал-Ҳилол"га ўтишга рози бўлди, деб хабар беради L'Equipe. 30 ёшли италиялик Саудия клуби билан 3 йиллик шартнома имзолашга тайёр.
"Ал-Ҳилол" делегацияси Парижда. Дастлаб улар ҳужумчи Килиан Мбаппенинг трансфери бўйича музокаралар олиб боришни режалаштирган, бироқ Марко Верраттини ҳам трансфер қилишга уринган. Бироқ клублар ўтиш тафсилотлари бўйича ҳалигача келишмаган.
Верратти 2012 йилдан бери "ПСЖ"да ўйнаб келмоқда. Унинг амалдаги шартномаси 2026 йилгача мўлжалланган.













