Европа лигасининг 4 -турига келиб ниҳоят асосий таркибда, аниқроғи тўлиқ 90 дақиқа жамоасига ёрдам берган Эдинсон Кавани еврокубокларни қанчалик соғинганини эслатиб қўйди.
Виталий Денисовга ўйиндан олдин «Каванини қандай ёпмоқчисиз», деб савол берганда, Витя биринчи навбатда асосий таркибдан жой олишни ўйлаётганини айтганди. Денисов ҳаммасини яхши ўйлабдию, майдонда нима қилиш борасида бош қотирмаптида? Ҳазил албатта. Хуллас Эдинсон Кавани томонидан киритилган 4та гол «Днепр» устидан ғалабага сабабчи бўлди.
Учрашувда Виталий Денисов 90 дақиқа мобайнида майдонда ҳаракат қилди. Бироқ унинг майдонда борлиги Каванининг «покер»ига ҳалақит қила олмади.
Гуруҳнинг иккинчи учрашувида эса Швециянинг АИК клуби кутилмаганда ПСВдан устун келди.
F ГУРУҲИ
НАПОЛИ (Италия) – ДНЕПР (Украина) 4:2 (1:1)
Голлар: Кавани (5, 77, 88, 90+3) – Федецкий (33), Зозуля (52).
Наполи: Розати, Фернандес, Ароника (Пандев, 72), Бритос, Место, Донадель (Гамшик, 55), Инлер, Доссена, Жемаили, Кавани, Варгас (Инсинье, 56).
Днепр: Лаштувка, В. Мандзюк, Мазух, Одибе, ВИТАЛИЙ ДЕНИСОВ, Ротань, Канкава, Федецкий (Матеус, 86), Алиев (Жулиано, 56), Коноплянка (Чеберячко, 81), Зозуля.
АИК (Швеция) – ПСВ (Голландия) 1:0 (1:0)
Гол: Бангура (12).
