Ярим ҳимоячи Жордан Хендерсон "Ливерпул"даги ўн икки мавсумдан сўнг фаолиятида янги қадам ташлади. 33 ёшли англиялик футболчининг янги клуби Саудиянинг "Ал-Иттифоқ" клуби бўлиб, унга яқинда Стивен Жеррард устозлик қилишни бошлаганди.
Хендерсон ушбу трансфер ҳақида қисқача изоҳ берди.
"Ал-Иттифоқ" клуби билан шартнома имзоланганини эълон қилишдан мамнунман. Олдимда янги вазифа турибди ва мен интизорлик билан кутяпман. Саудия Арабистонига хуш келибсиз" - деб пост қолдирди Хендерсон ижтимоий тармоқда.
Эслатиб ўтамиз, “Ал-Иттифоқ” Саудия Арабистонининг сўнгги чемпионатида еттинчи ўринни эгаллаган эди.
