"Барселона" чап қанот ҳимоячиси Алехандро Бальде клуб билан янги шартнома имзолайди.
19 ёшли футболчининг амалдаги меҳнат шартномаси келаси йил якунига етади, бироқ томонлар, узоқ муддатли ҳамкорликдан ўзаро манфаатдор. SPORT хабарига кўра, Бальде билан шартномани узайтириш аллақачон ҳал бўлган масала ва келишув "Барселона"нинг мавсумолди сафари якунланганидан кейин расман эълон қилинади.
Алехандро Бальде Каталония жамоаси сафида 51 та ўйинда майдонга тушиб, 1 та гол ва 7 та голли узатмага муаллифлик қилган. Футболчининг дебюти 2021 йилнинг сентябрида Рональд Куман бошчилигида бўлиб ўтган, ўшанда “Барселона” Чемпионлар лигасида “Бавария”га мағлуб бўлганди (0:3).
