30 ёшли марказий ҳимоячи "Пахтакор"нинг янги футболчисига айланди. У билан бир ярим йиллик шартномага имзо чекилди.

"Фейеноорд" клуби тарбияланувчиси саналган Стинворден ҳозиргача Нидерландиянинг "Фейеноорд", "Эксельсиор", "Дордрехт", "Камбуур" ва Хорватиянинг "Горица" клублари шарафини ҳимоя қилган. 2019 йилдан бери Хорватия клубида ўйнаган. Фаолиятида чемпионатларда 250 ўйинда 15 гол муаллифи бўлган. Стинворден "Пахтакор"да ўйнайдиган нидерландиялик биринчи футболчига айланади. У эркин агент сифатида "шерлар" сафига кўчиб ўтди.

"Мэтьюга "Пахтакор"даги фаолияти ғалаба ва совринларга бой бўлишини тилаймиз. "Шерлар" сафига хуш келибсан!" - дейилади пойтахтликлар расмий баёнотида.