"Гремио" бош мураббийи Ренато Гаушо жамоа ҳужумчиси Луис Суарес клубда қолиши ва ҳеч бўлмаганда декабргача "Интер Майами"га ўтмаслиги ҳақидаги маълумотни тасдиқлади.
"Тез орада таркибимиз кучаяди, раҳбарият билан фикр алмашдик. Биз Суаресни ҳам шу йил охиригача сақлаб қолишга муваффақ бўлдик. Бу достон иккинчи августгача давом этиши мумкин эди, аммо ҳозир ҳаммаси ҳал бўлди.
У декабргача биз билан қолади ва клубга катта ёрдам беради", - деди Гаушо ESPN билан суҳбатда.
Аввалроқ Суарес "Барселона"даги собиқ ҳамкорлари Лионель Месси, Серхио Бускетс ва Жорди Альба билан бирлашиш учун "Интер Майами"га ўтмоқчи эканлиги маълум бўлганди.
