"РБ Лейпциг" бош мураббий Марко Розе билан шартномани узайтирганини расмий сайти орқали эълон қилди.

46 ёшли мутахассис 2025/2026 йилги мавсум охиригача мўлжалланган меҳнат шартномасини имзолади.

Марко Розе 2022-йил сентябрида “РБ Лейпциг”ни қабул қилиб олганди. Ушбу мутахассис бошчилигидаги 41 учрашувда “буқалар” 5 дуранг ва 8 мағлубият билан 28 ғалабани тантана қилишган.

Ўтган мавсумда "РБ Лейпциг" Бундеслигада учинчи ўринни эгаллади ва Германия кубогини қўлга киритди.

Қўшимча қиламизки, 12 август куни "РБ Лейпциг" Германия Суперкубоги учун баҳсда "Бавария"га қарши майдонга тушади.