"Реал" бош мураббийи Карло Анчелотти жамоа ҳужумчиси Карим Бенземадан ажралгани ҳақида гапирди.
2009 йилдан буён “қаймоқранглилар” сафида тўп тепиб келган 35 ёшли франциялик Саудиянинг “Ал-Иттиҳод” клубига ўтди.
"Бензема кетди? "Реал Мадрид" ҳар доим олдинга интилади. Клуб Криштиану Роналду кетганидан сўнг ҳам ўзини тиклаб олган ва энди Карим билан ҳам шундай бўлади. Аммо биз бу футболчилардан доимо миннатдор бўламиз", - дея италиялик мутахассис сўзларини келтиради Madrid Xtra.
Карим Бензема "Реал" сафида 648 та ўйин ўтказиб, 354 та гол урган. "Ал-Иттиҳод" сафида "Эсперанс"га қарши дебют учрашувида ҳужумчи гол ва самарали узатмага муаллифлик қилди.
