Муҳаммад Ихаттарен "Ювентус" таркибида бирорта ҳам ўйин ўтказмай жамоани тарк этмоқда.
Туринликлар ярим ҳимоячи билан шартнома томонлар келишувига кўра бекор қилинганини маълум қилди.
21 ёшли нидерландиялик футболчи 2021 йил август ойида "бьянконерлар" сафига келиб қўшилган бўлса-да, жамоада бирорта ҳам ўйин ўтказмаган. У сўнгги бор 2022 йилнинг май ойида "Аякс"да ижара асосида ўйнаган.
2022 йилнинг охири ва 2023 йилнинг февраль ойида футболчи полиция томонидан ҳибсга олингани ҳақида хабар берилган эди: биринчи ҳолатда таҳдид учун, иккинчи ҳолатда собиқ севгилисига ҳужум уюштиргани учун.













