Махачқалъанинг "Анжи" клуби Европа лигаси гуруҳ босқичида "Ливерпуль"га қарши ўйин учун чиқарилган чипта сотуви борасида расмий баёнот билан чиқди.
"Бизнинг 12-ўйинчимиз дунёда энг яхши эканлигини яна бир марта намойиш қилди. Ҳурматли мухлислар, сизнинг қўллаб-қувватлашингиз ғалабамизга катта ҳисса қўшди. Шунингдек, чипта сотувининг янги системасига тўғри муноасабатда бўлганингиз учун сизлардан миннатдормиз.
Бу нарса, ўйлаймизки, ўйиннинг юқори футбол атмосферасида ўтишида фойдаси катта бўлди.
Биз ҳозирданоқ спорт мусобақаларида ишқибозларнинг интизомини белгиловчи федерал қонуннинг чипта савдоси дастури принципларини ҳисобга олишга киришдик", - дейилади "Анжи" расмий сайтида.
Эслатиб ўтамиз, "Анжи"-"Ливерпуль" ўйини учун чипталар эркин савдога чиқарилмади ва "Ёввойи дивизия" ишқибозлар бирлашмаси орқали сотилди. Бунда "Ёввойи дивизия" ҳеч қандай тушунтиришларсиз чиптани сотмаслик ҳуқуқига эга эди.
