Микель Артетанинг қилаётган ишини юқори баҳолаш мумкин. У ёш мураббий бўлишига қарамай, "Арсенал"га келганидан буён бир қанча катта юлдузларга чиқиш эшикларини кўрсатиб қўя олди (Обамеянг яққол мисол). Ҳа, жамоа ўтган мавсумда чемпионликка эриша олмади. Аммо яхши харидлар орқали доимий равишда таркибни кучайтириб келмоқда. Янги футболчи сотиб олиш учун эса эскилари билан хайрлашиш керак бўлади. Қуйида "Арсенал"дан ўтган ёзда кетган футболчиларни билиб оласиз.
Александр Ляказетт
Француз ҳужумчиси сўнгги мавсумида 4 тагина гол уришга эришган. Бу эса Ляказеттнинг жамоадаги даври поёнлаётганини кўрсатарди. У эски жамоаси бўлмиш "Лион"га қайтди. Эркин агент сифатида келганида қарамай, Ляказетт ўз клубига ўта фойдали бўла олди. У мавсумни 27 та лига голи билан якунлаган эди. Бу эса унинг сўнгги 3 АПЛ мавсумида урган голларига тенгдир.
Константинос Мавропанос
Греция терма жамоаси аъзоси охирги икки мавсумни "Штуттгарт"да, ижара асосида ўтказади. Шундан сўнг, у ўтган ёзда бутунлай Германияга кўчиб кетди. 2022/23 йилда Мавропанос 28 та баҳсда иштирок этди ва бу кўрсаткич унинг "Арсенал"даги умумий ўйинларидан 7 тага кўпроқдир.
Маттео Гендузи
Гендузи "Марсел"га сотилади. У ҳам Маврапанос каби ундан олдинги масвум давомида ижара асосида айнан "Марсель" сафида ҳаракат қилганди. 23 ёшли ярим ҳимоячи мавсумни ажойиб ўтказди. Шу сабаб унга бир нечта АПЛ клублари қизиқиш билдира бошлади. Қизиғи, улар ичида "Тоттенхэм" ҳам бор.
Бернд Лено
Лено "Арсенал"даги сўнгги даврларида ишончни йўқотиб қўйганди. Унинг ўрни Арон Рамздейлга берилади. "Арсенал" немис дарвозабонини "Фулхэм"га сотди. Лено янги жамоасида нималарга қодир эканини кўрсатиб қўя олди. Ўтган мавсумда фақатгина "Брентфорд" дарвозабони Давид Райягина Ленодан кўпроқ сейв ижро этганди.
Лукас Торрейра
Ярим ҳимоячи "Арсенал"даги сўнгги даврларини ижарада ўйнаб ўтказади. У 2022 йилнинг ёзида "Галатасарай"га сотиб юборилади. 27 ёшли футболчи Туркиядаги ҳаёт ва футболга тез мослашиб олди ва Окан Бурук жамоасида муҳим фигурага айланди. "Галатасарай" мавсумни чемпион сифатида тугатган эди. Шу сабаб Торрейранинг жамоаси янги мавсумда ЕЧЛда ҳаракат қиладиган бўлди. Бу жамоада Заа, Заньоло, Анхелиньо ва Мертенс каби машҳур легионерлар бор.
Эктор Бельерин
"Арсенал"даги узоқ саргузаштлардан кейин, Бельерин жамоа билан хайрлашди. У Лондон клубида жами 239 та баҳсда иштирок этган эди. Бельериннинг янги манзили "Барселона" бўлди. Афсуски, у мавсум ярмида "Спортинг"га ижарага берилади. Мавсум охирида эса Бельерин яна эркин агентга айланди. Унинг янги жамоаси "Реал Бетис" бўлди. Бельерин 2021/22 йилги мавсумда ҳам айнан мана шу жамоа шарафини ҳимоя қилган.
ИСМАТОВ Ж.
