"Манчестер Сити" бош мураббийи Хосеп Гвардиола журналистнинг ҳужумчи Эрлинг Холанд ўз ўйин тизимига мослаша оладими, деган саволига ҳайрон бўлди.

"Мен Холанд "Манчестер Сити"га жуда яхши мослашди, деб айтган бўлардим", - дейди Гвардиола. "У 60 дан ортиқ гол урди, фантастика", - дея қўшимча қилди испаниялик мураббий бироз паузадан кейин.

2022/2023-йилги мавсумда “Манчестер Сити” учун 53 та расмий ўйинда Эрлинг Холанд 52 та гол урди ва шериклари учун 9 та голли узатмани амалга оширди.

Эслатиб ўтамиз, "Манчестер Сити" ўтган мавсумда АПЛ, Англия кубоги ва Чемпионлар лигасида ғолиб чиққанди.