«Ливерпуль» бош мураббийи Юрген Клопп ярим ҳимоячи Жордан Хендерсоннинг Арабистоннинг «Ал Иттифоқ» клубига кетиши ҳақида янги фикр билдирди.

«Ҳендерсон кетишни хоҳлаётганини айтганида ҳайрон бўлдимми? Албатта. Биз охирги саккиз йил давомида яқин муносабатдамиз.

У бизни тарк этишини билардим. Аммо у кетмоқчи бўлгани учун биз унинг томонига тош отмоқчи эмасмиз», - дея немис мутахассисининг сўзларини келтиради журналист Ян Дойл.

Эслатиб ўтамиз, Хендерсон «Энфильд»даги 12 йиллик фаолиятидан сўнг араб клубига келиб қўшилган ва бу вақт мобайнида ярим ҳимоячи «Ливерпуль» либосида 392 та ўйин ўтказган.