Луис Суарес “Гремио”ни муддатидан аввал тарк этади, аммо унинг “Интер Майами”га ўтиши сўроқ остида.

"Келгуси йил жисмоний ҳолатим ва Бразилия чемпионатининг юқори талаблари туфайли муносиб даражада иштирок эта олмаслигимни ҳис қиляпман, шу боис клуб билан шартномамни муддатидан бир йил олдин бекор қилиш ҳақида гаплашдик.

Бу декабрь ойида содир бўлиши керак. Клуб рози бўлди ва бунинг учун ундан миннатдорман.

Бошқа жойда ўйнайманми ёки йўқми, билмайман, чунки менинг тиззамда сурункали муаммо бор, бу ҳақда ҳаммангиз биласиз. “Гремио” мухлисларидан тиззасидаги қаттиқ оғриқларга қарамай, доим ўйнайдиган 37 ёшли футболчи борлигини қадрлашларини сўраган бўлардим. Мени сўраганим шу.

"Интер Майами" "Гремио" билан гаплашгани ва клуб мен билан амалдаги шартномам бор деб жавоб берганини яхши биламан. Айтишим мумкинки, "Интер Майами" мен билан гаплашмади", - деди уругвайлик футболчи.

Хабар қилинишича, МЛС клуби ҳужумчи билан шартнома имзолашни кутган ва у билан музокара ўтказган.