Машҳур ҳужумчи Эдинсон Кавани "Бока Хуниорс" футболчисига айланди. Аргентинанинг топ-клуби 36 ёшли футболчи билан 2024 йилнинг декабрь ойи охиригача шартнома имзолаганини эълон қилди.
Олдинроқ, тажрибали ҳужумчи ўтган мавсумни ўтказган "Валенсия" Кавани билан шартномани бекор қилганини маълум қилганди.
Июль ойи бошида Эдинсон Кавани "Бока Хуниорс"да ўйнашни орзу қилганини айтди. Тез орада матбуотда музокаралар бошлангани ҳақида маълумот эълон қилинди.
Қўшимча қиламизки, Европада "Валенсия"га қадар Кавани "Манчестер Юнайтед", "ПСЖ", "Наполи" ва "Палермо"да ўйнаган.
