Француз вингери Аллан Сент-Максимен "Ньюкасл"дан кетаётганини маълум қилди. У тез орада "Ал-Аҳли"га қўшилади. 26 ёшли футболчи жамоа билан шундай хайрлашади:
"Гарчанд бу саҳифа поёнлаётган бўлса ҳам, ҳикоя ҳеч қачон тугамайди. "Ньюкасл" доимо менинг уйим бўлим қолади. Мен ҳаётимнинг қолган қисмини жамоанинг мухлиси сифатида ўтказаман. Бугун жамоадан кетяпман. Мени қуруқ қўл билан кетаяпти деганлар хато қилади. Менинг энг катта совриним, "Ньюкасл" шарафини ҳимоя қила олганимдир".
Аллан 2019 йилнинг августида "Ницца"дан харид қилинган эди. У шундан бери жами 124 та баҳсда майдонга тушиб, 13 та голга муаллифлик қилган.
