Футзал бўйича ўзбекистонлик ФИФА рефериси Шуҳрат Пўлатов Таиландда давом этаётган 2012 йилги жаҳон чемпионати нимчорак финал ўйинида ҳакамлик қилади.

9 октябрь куни футзал бўйича 2012 йилги жаҳон чемпионати гуруҳ босқичи баҳслари якунига етди. Мусобақанинг плей-офф босқичи йўлланмасини қўлга киритган 16 жамоа 11 ноябрдан эътибор курашни давом эттиришади.

Шу куни энг биринчи бўлиб Парагвай ва Португалия терма жамоалари чорак финал масаласини ҳал этишади. Ушбу ўйинни, майдонда – уругвайлик Даниэл Родригес ва чехиялик Карел Ҳенич бошқариб борса, аргентиналик Дарио Сантамариа учинчи, хитойлик Чжанг Йоуцзе бешинчи ҳакам сифатида қайд этилган.

Ўзбекистонлик Шуҳрат Пўлатов эса ушбу ўйинда таймкипер (вақтга масъул ҳакам) вазифасини бажаради.

Шуҳрат Пўлатов бунгача гуруҳ босқичи доирасида Португалия – Ливия (5:1), Россия – Соломон ороллари (16:0) ва Испания – Панама (8:3) ўйинларида ҳакамлик қилган эди.