Мадриднинг “Реал” клуби бош мураббийи Карло Анчелотти “Барселона”га (0:3) қарши ўтказилган ўртоқлик учрашувига сарҳисоб қилди.
“Бир ўйинда тўсинга беш марта зарба бериш жуда кам учрайди. Бу мен билан ҳеч қачон содир бўлмаган ва бу мавсумолди ўйинида содир бўлса яхши. Рақиб дарвозасида девор бордек туюлди. Ёшлар қандай мослашганини кўриш учун янги жамоа туздим. Ҳаммаси яхши, биз шундай давом этишимиз керак ва аниқ ҳужумчисиз бизда кўплаб имкониятлар бўлди. Мен ёшларни кескин ўйинда кўрмоқчи эдим ва улар буни уддалашди. Модрич ва Кроос нимага қодирлигини аллақачон биламан. Мен жуда яхши келажаги бўлган жамоани кўряпман", дейди Анчелотти.
Навбатдаги ўртоқлик ўйинида “Барселона” 2 август куни “Милан”га қарши майдонга тушса, “Реал” 3 август куни “Ювентус”га қарши баҳс олиб боради.
