Хави "Барселона" таркибини кучайтириш кераклиги ҳақида гапирди.
Бу ҳақда Каталония клуби бош мураббийи "Реал" билан ўртоқлик учрашувидан сўнг (3:0) маълум қилди.
“Бизга ҳали ҳам кичик нарсалар етишмаяпти. Шунинг учун, таркибни яна кучайтиришимиз керак.
Бу ҳақда клуб президенти ва спорт раҳбарияти билади. Биз рақобатбардош бўлиш учун қадам ташлашимиз керак.
Мен жамоага катта ишонаман, лекин [кучайиш нуқтаи назаридан] кўпроқ нарса керак деб ўйлайман.
Мураббий сифатидаги вазифам еврокубокларда қатнашиш ва яхши натижа кўрсатиш. Бу мавсумдаги мақсадлардан бири”, - деди “Барселона” бош мураббийи Хави.
