Ҳимоячи Аксель Дисаси тез орада «Челси»га ўтиши мумкин. 

The Athletic хабарига кўра, Лондон клуби «Монако»дан 25 ёшли футболчининг трансфери бўйича принципиал келишувга эришган.

Манбага кўра, «Челси» Дисаси трансфери учун тахминан 45 миллион евро тўлайди. Лондонда Маурисио Почеттино франциялик футболчидан ўнг марказий ҳимоячи сифатида фойдаланишни режалаштирмоқда.

Аксель Дисаси «Реймс»дан трансфер қилинганидан кейин «Монако»да уч мавсум ўтказди. «Қизил-оқлар» ҳимоячиси 129 та ўйин ўтказиб, 12 та гол урган ва 4 та голли узатмани шерикларига берган.