Himoyachi Aksel Disasi tez orada «Chelsi»ga o‘tishi mumkin.
The Athletic xabariga ko‘ra, London klubi «Monako»dan 25 yoshli futbolchining transferi bo‘yicha prinsipial kelishuvga erishgan.
Manbaga ko‘ra, «Chelsi» Disasi transferi uchun taxminan 45 million yevro to‘laydi. Londonda Maurisio Pochettino fransiyalik futbolchidan o‘ng markaziy himoyachi sifatida foydalanishni rejalashtirmoqda.
Aksel Disasi «Reyms»dan transfer qilinganidan keyin «Monako»da uch mavsum o‘tkazdi. «Qizil-oqlar» himoyachisi 129 ta o‘yin o‘tkazib, 12 ta gol urgan va 4 ta golli uzatmani sheriklariga bergan.
