«Севилья» дарвозабони Яссин Бунуга «Бавария» ҳали ҳам қизиқиш билдирмоқда.
Яқинда Мюнхен клуби «Брентфорд» дарвозабони Давид Райянинг ижараси бўйича муваффақиятсиз музокаралар олиб борди, шу боис яқин орада улар яна Буну номзодига ўтишлари мумкин.
Журналист Керри Хаунинг сўзларига кўра, марокашлик футболчининг «Бавария»га ўтиши истисноли ҳолат эмас, аммо «Севилья» немис гранди хоҳлаганидек, 32 ёшли футболчини ижарага қўйиб юбориши даргумон. Футболчининг ўзи ижара вариантига қарши эмас.
Қайд этилишича, «Бавария» янги дарвозабонни сотиб олиш учун катта маблағ сарфламоқчи эмас, чунки клуб Мануэль Нойернинг сафга қачон ва қандай ҳолатда қайтишини билмайди.
