«Тоттенхэм» дарвозабони Уго Льорис «ПСЖ»нинг нишонида бўлиб қолмоқда.

«Шпорлар» 36 ёшли франциялик футболчи билан ушбу мавсум хайрлашди. Хабарингиз бор, Льорисга даъвогарлардан бири «ПСЖ» бўлиб, клуб Жанлуижи Доннарумма учун ўринбосар қидирмоқда.

Журналист Лоик Тансининг янгиланган маълумотларига кўра, парижликларнинг раҳбарларидан бири Луиш Кампуш Франция терма жамоасининг собиқ дарвозабонининг атрофидагилар билан алоқани давом эттирмоқда, бироқ «ПСЖ» дарвозабон ўрнини фахрий эмас, ёш футболчи билан мустаҳкамлашни афзал кўрмоқда.

Уго Льорис «Тоттенхэм» сафида 447 та ўйинда майдонга тушиб, 508 та гол ўтказиб юборган. У 2012 йилдан бери Лондон жамоасида ўйнади.