«Tottenxem» darvozaboni Ugo Lyoris «PSJ»ning nishonida bo‘lib qolmoqda.

«Shporlar» 36 yoshli fransiyalik futbolchi bilan ushbu mavsum xayrlashdi. Xabaringiz bor, Lyorisga da’vogarlardan biri «PSJ» bo‘lib, klub Janluiji Donnarumma uchun o‘rinbosar qidirmoqda.

Jurnalist Loik Tansining yangilangan ma’lumotlariga ko‘ra, parijliklarning rahbarlaridan biri Luish Kampush Fransiya terma jamoasining sobiq darvozabonining atrofidagilar bilan aloqani davom ettirmoqda, biroq «PSJ» darvozabon o‘rnini faxriy emas, yosh futbolchi bilan mustahkamlashni afzal ko‘rmoqda.

Ugo Lyoris «Tottenxem» safida 447 ta o‘yinda maydonga tushib, 508 ta gol o‘tkazib yuborgan. U 2012 yildan beri London jamoasida o‘ynadi.