"Барселона" ҳужумкор ярим ҳимоячиси Усмон Дембеле "ПСЖ"га ўтишга яқин турибди.
Журналист Фабрицио Романонинг хабарига кўра, футболчи Париж клуби билан келишиб олган. Томонлар беш йилга узоқ муддатли шартнома тузишга келишиб олдилар. Лига 1 чемпиони Усмоннинг трансфери учун тахминан 50 миллион евро тўлайди.
Дембеле 2017 йилнинг августидан бери "кўк-аноранглилар" сафида ўйнаб келмоқда. Томонлар ўртасидаги шартнома муддати 2024 йилнинг ёзида тугайди.
Усмон ўтган мавсумда Ла Лигада 25 та ўйинда майдонга тушиб, 5 та гол ва 7 та голли узатмага муаллифлик қилган.
