"Ал-Ҳилол" клуби ҳужумчи Виктор Осимхенни қўлга киритиш учун ҳаракат қилмоқда. L'Equipe нашрининг ўз саҳифаларида хабар беришича, Саудия клуби аллақачон "Наполи"га иккита таклиф юборган. Биринчиси тахминан 120 миллион евро, иккинчиси эса тахминан 140 миллион евро эди. Италия чемпиони 24 ёшли нигериялик учун иккинчи йирик таклифни ҳам рад этди. Неаполликлар бундан ҳам кўпроқ нарсани кутишмоқда.
Қайд этилишича, “Ал-Ҳилол” таслим бўлиш ниятида эмас – саудияликлар яқин орада “Наполи”га футболчи учун учинчи таклифни юборишади.
Transfermarkt портали Виктор Осимхенни 120 миллион еврога баҳолайди.
