Италиялик тажрибали ҳимоячи Леонардо Бонуччи ёзда Туриннинг "Ювентус" клубини тарк этиши мумкин. Telegraaf нашри хабарига кўра, 36 ёшли италиялик футболчига Амстердамнинг "Аякс" клуби қизиқиш билдирмоқда.
Бонуччи клубини ўзгартириш ҳақида ўйламоқда, чунки "кекса синьора" раҳбарияти уни ўз режаларига киритмаяпти. "Ювентус" ҳимоячига тезда янги жамоа топишга ёрдам бериш учун у билан тузилган шартномани муддатидан олдин бекор қилишга тайёр.
2022/2023 йилги мавсумда Леонардо барча мусобақаларда 26 та ўйинда майдонга тушиб, иккита гол урган. Томонлар ўртасидаги амалдаги шартнома 2024 йилнинг ёзида якунига етади.
