"Бавария" бош мураббийи Томас Тухель жамоа билан шартномаси тугашига бир йил қолган ҳимоячи Бенжамин Паварнинг сотилиши мумкинлиги ҳақидаги миш-мишлар ҳақида гапирди.
"Мен анча хотиржамман. Вазият сиз айтгандек аниқ эмас. Бенжамин кетишни хоҳлаётганини айтдими? Албатта, бундай эмас. Вазият ҳал қилинишини кутамиз. Павар жуда ишончли ҳимоячи. Биз унга шартномаси тугашига 10 йил қолгандек муносабатда бўламиз", - деди Тухель матбуот анжуманида.
Павар аввалроқ бир неча бор “Бавария” билан шартномасини узайтиришдан бош тортган эди. Бенжаминга Туриннинг "Ювентус", шунингдек, "Манчестер Юнайтед" ва "Манчестер Сити" қизиқмоқда.
