"Валенсия" ярим ҳимоячиси Юнус Муса бугун, 2 август куни "Милан"га ўтиши олдидан тиббий кўрикдан ўтади. Бу ҳақда инсайдер Фабрицио Романо ижтимоий тармоқлар орқали маълум қилди.
Манбанинг хабарига кўра, кун охиригача томонлар келишувнинг барча тафсилотларини келишиб олишади. Трансфер суммаси тахминан 25 миллион еврони ташкил қилади.
Муса 2026 йилнинг ўрталарига қадар "Милан" билан шартнома имзолайди. Ўтган мавсумда ярим ҳимоячи "Валенсия" сафида 36 та ўйин ўтказиб, 2 та голли узатмани амалга оширган. Transfermarkt унинг нархини 18 миллион еврога баҳоламоқда.
