"Брайтон" ярим ҳимоячиси Моисес Кайседо ёзда жамоани тарк этмоқчи эканлигини тасдиқлади.
Кайседо трансфер бозорида "Челси"нинг биринчи рақамли мақсади ҳисобланади. "Кўклар" Мойсес учун 80 миллион фунт тўлашга тайёр, аммо "Брайтон" эса 100 миллион фунт стерлинг талаб қилмоқда.
Кайседонинг ўзи аллақачон ўз хоҳиш-истаклари ҳақида қарор қабул қилган. 21 ёшли эквадорлик футболчи ушбу трансфер ойнасида бошқа жамоага ўтиш ниятида.
Sussex World нашри маълумотларига кўра, Кайседо кеча "Брийтон"нинг 2022/23 йилги тақдирлаш маросимида меҳмонлар билан гаплашганда, бу истакни бир неча бор тасдиқлаган.
Кайседо ўтган мавсумда "Брайтон"нинг 37 та ўйинида қатнашди ва мухлислар томонидан йилнинг энг яхши ўйинчиси деб топилди.
