Тез орада ҳужумкор ярим ҳимоячи Аббосбек Файзуллаев ЦСКА футболчиси сифатида тақдим этилади. "Пахтакор"да бош директор лавозимини эгаллаб турган Дмитрий Адисман трансфернинг кечикишига изоҳ берди. Унинг сўзларига кўра, тўлов билан боғлиқ қийинчиликлар мавжуд.
"Санкциялар туфайли ЦСКА пул тўлай олмайди, шунинг учун ҳаммаси бироз кечикди. Ўйлайманки, ҳаммаси яхши бўлади, лекин бундай қийинчиликлар бор”, деди Адисман.
Файзуллаев 19 ёшда, июнь ойида у Ўзбекистон терма жамоасида дебют қилган. Transfermarkt портали мутахассислари футболчини 750 минг еврога баҳоламоқда.
