"Арсенал" бош мураббийи Микел Артета клубдаги янги футболчиларнинг мослашуви ва жамоадаги умумий муҳит ҳақида гапирди.
"Бу йил жамоада янги юзлар пайдо бўлди ва трансфер ойнаси бошида бу футболчиларни қўлга кирита олганимиздан жуда хурсандман. Шунинг эвазига улар билан мавсумолди тайёргарликдан ўта олдик. Янги ўйинчиларимиз ўзларини кўп йиллар давомида шу ерда бўлгандек ҳис қилишларини айтишди. Бу сизга бизнинг маданиятимиз ҳақида кўп нарсаларни айтиб беради ва "Арсенал" оиласининг бир қисми каби ҳис қилиш учун ҳамма қандай меҳмондўст ва содда эканлигини билдиради.
Шубҳасиз, баъзи янги келганлар ўйин модели, талаблар ва умидларда катта ўзгаришларга дуч келишди. Биз буни тушунишимиз ва унга тўғри муносабатда бўлишимиз керак. Шундай экан, келинг, бу ўйинчиларга бир оз вақт берайлик ва улар ўз фикрларини билдиришлари учун зарур бўш жойга эга эканлигига ишонч ҳосил қилайлик ва кейин уларни биз талаб қиладиган даражага олиб чиқайлик. Янги ўйинчиларнинг бирлашишига ёрдам бериш ҳар доим муҳим", - деди испаниялик мураббий клуб матбуот хизматига.
Ёзги трансфер ойнасида "Арсенал" Кай Хаверц, Деклан Райс ва Юрриен Тимберни сотиб олди.
