Ҳимоячи Йошко Гвардиолни "Манчестер Сити" футболчиси деб ҳисоблаш мумкин. Бу ҳақда инсайдер Фабрицио Романо ижтимоий тармоқларда хабар тарқатди. Унга кўра, пайшанба куни "шаҳарликлар" "Лейпциг" билан керакли ҳужжатларни имзолаган.
21 ёшли Гвардиолнинг трансфери учун "Манчестер Сити" бонусларсиз 90 миллион евро тўлайди. Хорватиялик футболчи бу мақомни "Манчестер Юнайтед" ҳимоячиси Гарри Магуайрдан олган ҳолда футбол тарихидаги энг қиммат ҳимоячига айланади.
Қайд этилишича, "Манчестер Сити" июнь ойида Йошко Гвардиолнинг ўзи билан узоқ муддатли шартнома борасида келишиб олганди.
