"Бавария" бош мураббийи Томас Тухель трансфер масаласида клуб раҳбариятининг фикрига қўшилмайди.
Мюнхенлик мураббийнинг фикрича, жамоага зудлик билан янги таянч ярим ҳимоячи керак, чунки ҳозирча жамоадан ҳеч ким бу позицияни тўлиқ ёпишга қодир эмас, дея хабар беради журналист Тоби Альтсхеффль. "Бавария" бошлиқларининг фикрича, таянч зонасини кучайтириш энг долзарб масала эмас ва янги марказ ҳужумчисини таклиф қилиш анча муҳимроқ.
Эслатиб ўтамиз, немис гранди "Тоттенхэм" ҳужумчиси Харри Кейнни сотиб олишга уринишда давом этмоқда. 30 ёшли англиялик футболчининг трансфер нархи тахминан 100 миллион еврони ташкил қилиши мумкин.
