Футзал бўйича 2012 йилги Ўзбекистон чемпионати 1-босқич 2-тур учрашувлари старт олди.
12 ноябрь куни Самарқанд шаҳрида футзал бўйича 2012 йилги Ўзбекистон чемпионати 1-босқич 2-тур учрашувлари старт олди. Турнинг дастлабки кун учрашувларида бир қатор эътиборга молик натижалар қайд этилди.
2-тур мезбони, айни вақтда, мусобақа аутсайдерларидан бири ҳисобланган Самарқанднинг «Нафис» жамоаси «Строитель-Зарафшон»га қарши учрашувда мавсумдаги илк ғалабасини қўлга киритди. Тошкентнинг «Пахтакор» клуби эса Сирдарё вилоятининг «Гулистон» жамоасини 7:3 ҳисобида мағлубиятга учратиб, мусобақа жадвалида 5-ўринга чиқиб олди. Турнинг энг йирик ҳисоби, ҳозирча, Андижоннинг «Турон-С» ва Бухоро вилоятининг «Когон» жамоалари ўртасидаги ўйинда қайд этилди – ҳар иккала жамоа дарвозаси жами етти мартадан ишғол қилинди.
Турнинг энг қизиқарли ўйинларидан бири «Локомотив» ва «Ардус» жамоалари ўртасида бўлиб ўтди. Мусобақа чемпионлигига асосий номзод ҳисобланган жамоалар ўртасидаги муросасиз баҳс 4:3 ҳисобида «темирйўлчилар» фойдасига ҳал бўлди. Ушбу ғалабадан сўнг «Локомотив», тўплар нисбатига кўра, мусобақа пешқадамига айланиб олди.
Кунни Чирчиқнинг «Максам-Чирчиқ» ва Тошкентнинг «Бунёдкор» жамоалари ўртасидаги баҳс якунлаб берди. Ўйин 3:1 ҳисобида чирчиқлик футболчилар фойдасига ҳал бўлди ва ушбу натижадан сўнг мусобақа жадвалида 12 очкодан тўплаган жамоалар учтага етди: 2-тур 1-кун учрашувларидан «Локомотив», «Ардус» ва «Максам-Чирчиқ» жамоалари пешқадамлик қилишмоқда.
2-кун учрашувлари 13 ноябрь куни бўлиб ўтади. Кунни «Когон» – «Строитель-Зарафшон» ўйини очиб берса, 12:00да «Гулистон» – «Турон-С» учрашуви бошланади. «Локомотив» – «Пахтакор», «Ардус» – «Бунёдкор» каби «Тошкент дербилари» эса мусобақа жадвалининг юқори қисмига сезиларли ўзгартиришлар киритиши мумкин. Кунни «Нафис» ва «Максам-Чирчиқ» ўртасидаги ўйин якунлаб беради.
Футзал бўйича Ўзбекистон чемпионати-2012
1-босқич, 2-тур учрашувлари. Самарқанд шаҳри.
12 ноябрь, душанба
«Строитель-Зарафшон» – «Нафис» 3:6
«Пахтакор» – «Гулистон» 7:3
«Турон-С» - «Когон» 7:7
«Локомотив» - «Ардус» 4:3
«Максам-Чирчиқ» – «Бунёдкор» 3:1
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Локомотив | 5 | 4 | 0 | 1 | 35-10 | 12 |
| 2 | Ардус | 5 | 4 | 0 | 1 | 36-12 | 12 |
| 3 | Максам-Чирчиқ | 5 | 4 | 0 | 1 | 24-12 | 12 |
| 4 | Бунёдкор | 5 | 3 | 1 | 1 | 18-11 | 10 |
| 5 | Пахтакор | 5 | 3 | 0 | 2 | 21-18 | 9 |
| 6 | Турон-С | 5 | 2 | 2 | 1 | 33-23 | 8 |
| 7 | Гулистон | 5 | 2 | 0 | 3 | 24-28 | 6 |
| 8 | Нафис | 5 | 1 | 0 | 4 | 15-41 | 3 |
| 9 | Когон | 5 | 0 | 1 | 4 | 12-36 | 1 |
| 10 | Строитель-Зарафшон | 5 | 0 | 0 | 5 | 8-35 | 0 |
Футзал бўйича Ўзбекистон чемпионати-2012
1-босқич, 2-тур учрашувлари. Самарқанд шаҳри.
13 ноябрь, сешанба
10:00. «Когон» - «Строитель-Зарафшон»
12:00. «Гулистон» - «Турон-C»
14:00. «Локомотив» - «Пахтакор»
16:00. «Ардус» - «Бунёдкор»
18:00. «Нафис» – «Максам-Чирчиқ»
14 ноябрь, чоршанба
10:00. «Строитель-Зарафшон» - «Гулистон»
12:00. «Пахтакор» - «Ардус»
14:00. «Максам-Чирчиқ» – «Когон»
16:00. «Турон-С» - «Локомотив»
18:00. «Бунёдкор» - «Нафис»
15 ноябрь, пайшанба
10:00. «Пахтакор» - «Турон-С»
12:00. «Локомотив» - «Строитель-Зарафшон»
14:00. «Гулистон» - «Максам-Чирчиқ»
16:00. «Когон» - «Бунёдкор»
18:00. «Ардус» - «Нафис»
16 ноябрь, жума
9:00. «Строитель-Зарафшон» - «Пахтакор»
10:00. «Бунёдкор» - «Гулистон»
12:00. «Турон-С» - «Ардус»
14:00. «Максам-Чирчиқ» – «Локомотив»
16:00. «Нафис» - «Когон»
