«Кристал Пэлас» ҳужумчиси Жан-Филипп Матета фаолиятини Туркияда давом эттириши мумкин. A Spor портали хабар беришича, ҳужумчининг хизматлари «Фенербахче»га таклиф қилинган.
Таъкидланишича, Истанбул клуби ҳужумчи излашда давом этмоқда ва ҳужум чизиғини кучайтириш учун турли вариантларни кўриб чиқмоқда. Шу билан бирга, Серу Гирасси ва Олли Уоткинс устувор номзодлар бўлиб қолмоқда.
Айни пайтда «Фенербахче» Матета трансфери бўйича расмий таклиф киритмаган. АПЛнинг ўтган мавсумида 29 ёшли франциялик футболчи 32 та ўйинда 12 та гол урган. Унинг Transfermarkt бўйича бозор қиймати 30 миллион еврони ташкил қилади.
