Франциянинг "Лилль" клуби канадалик ҳужумчи Жонатан Дэвиднинг Саудия Арабистонига ўтиши мумкинлиги ҳақидаги маълумотларга муносабат билдирди.
Getfootballnewsfrance нашри хабарига кўра, Лига 1 клуби вакиллари бу хабарни рад этишган. Жамоа бош мураббийи Пауло Фонсека футболчига ишонишини ва уни жамоада олиб қолишни исташини таъкидлади.
Шу билан бирга, агар Жонатаннинг трансфери учун 60 миллион евродан кўпроқ таклиф қилинса, "Лилль" музокараларни бошлаши мумкин.
Франция чемпионатининг сўнгги мавсумида Дэвид 37 та ўйин ўтказиб, 24 та гол ва 4 та голли узатмани амалга оширган.
